Genius Kids Program မှာ
၁) Genius Kids for Parents စာအုပ် ၁ အုပ် (မိဘတွေ ဖတ်ရန်)
၂) Bonus (Mobile App 2 ခု )
၂ မျိုးလုံး ရရှိမှာဖြစ်ပါတယ်။
Genius Kids for Parent စာအုပ်မှာပါဝင်တဲ့ အကြောင်းအရာ ခေါင်းစဉ်တွေကတော့
Too good to be True?
အခုပြောခဲ့တဲ့ ခေါင်းစဉ်တွေကတော့ ကောင်းလွန်းနေတယ်။ တကယ်ဟုတ်ပါ့မလား? တကယ်အကျိုးရှိပါ့မလား? စိုးရိမ်တဲ့ သူတွေ အတွက် 30 Days Money Guarantee ရှိပါတယ်။
ဖတ်ကြည့်လို့ အကျိုးမရှိဘူး ထင်ရင် ရက် ၃၀ အတွင်း ရာနှုန်းပြည့် ငွေပြန်အမ်းပါမယ်။
Genius Kids Program
Genius Kids for Parents စာအုပ် ၁ အုပ်+ Bonus (Mobile App ၂ ခု)
Package တစ်ခုလုံးစာအတွက်
ဈေးနှုန်း ၃၀,၀၀၀ ကျပ်
အော်ဒါမှာရန် (သို့) စုံစမ်းရန် ၊ အောက်ပါ Messenger Button နှိပ်ပြီးပါ။
Book Summary (စာအုပ်အကျဉ်းချုပ်ဖတ်ရန်)
Introductions (မိတ်ဆက်)
လောကမှာ လက်ရုံးအား၊ ပစ္စည်းအား၊ ပရိတ်သတ်အား ၊ အမျိုးအနွယ်အား၊ ပညာအား ဆိုပြီး အား ၅ မျိုးရှိတယ်။ ကိုယ့်မျိုးဆက်သစ် သားသမီးတွေကို အဲ့ဒီ အား ၅ မျိုးလုံး ရရှိအောင် ပေးနိုင်ရင်တော့ အကောင်းဆုံးပေါ့။ တကယ်လို့ အား ၁ မျိုပဲ ပေးခွင့်ရှိမယ်ဆိုရင် သင် ဘယ်အားကို ရွေးမလဲ? စဉ်းစားကြည့်ပါ။ တော်တော်များများက ပစ္စည်းအားကို ရွေးကြလိမ့်မယ်။ တချို့ကတော့ ပညာအားကို ရွေးကြလိမ့်မယ်။
အဲဒီ အား ၅ မျိုးကို အနိမ့်အမြင့်စီလိုက်ရင် လက်ရုံးအားက အနိမ့်ဆုံးဖြစ်ပြီး၊ ပညာ အားက အမြင့်ဆုံးဖြစ်တယ်။
မိဘ အယောက် ၁၀၀ ကို ကိုယ့်သားသမီးတွေကို ဉာဏ်ကောင်းစေချင်လား၊ လူကောင်းလူတော်တွေ ဖြစ်စေချင်လား လို့မေးရင် ၁၀၀ လုံးက ကိုယ့်သားသမီးတွေကို ဉာဏ်ကောင်းစေချင်တယ်၊ လူကောင်းလူတော်တွေ ဖြစ်စေချင်တယ် လို့ပဲ ဖြေကြလိမ့်မယ်။ ဒါပေမယ့် အဲဒီ သားသမီးတွေ ဉာဏ်ကောင်းခြင်း မကောင်းခြင်း၊ လူကောင်းလူတော် ဖြစ်ခြင်း မဖြစ်ခြင်းက အဲဒီမိဘတွေ အပေါ်မှာ ရာနှုန်းပြည့်နီးပါး မူတည်နေတာကိုတော့ သိသူ အတော်နည်းပါလိမ့်မယ်။
ဘယ်လို ဉာဏ်ကောင်းအောင် ပြုစုပျိုးထောင်ရမလဲ၊ ဘယ်လို လူကောင်းလူတော် ဖြစ်အောင် စနစ်တကျ ပုံသွင်းယူရမလဲ ဆိုတာ ကောင်းကောင်း သိတဲ့သူလည်း အတော်နည်းပါလိမ့်မယ်။
မိဘတော်တော်များများ သိထားတာက သားသမီးတွေ ဉာဏ်ကောင်းခြင်း မကောင်းခြင်းက မွေးရာပါ ဖြစ်တယ်။ သူတို့ကို ပညာတတ်တွေ ဖြစ်ဖို့ဆိုရင် ကျောင်းကောင်းကောင်းကို ပို့ရမယ်။ ဆယ်တန်း အမှတ်ကောင်းဖို့ အတွက် ဘော်ဒါ ကောင်းကောင်းပို့ရမယ်။ အင်္ဂလိပ်လို ကျွမ်းကျင်စေချင်တယ်ဆိုရင် ဘိုလိုပြောတဲ့ အင်္ဂလိပ်ကျောင်းတွေကို ပို့ရမယ်။ ပိုချမ်းသာတဲ့ မိဘတွေ ဆိုရင် နိုင်ငံခြားကျောင်းတွေကို ပို့ရမယ် စသည်ဖြင့် သားသမီးတွေ ဉာဏ်ရည်က မွေးရာပါဖြစ်ပြီး၊ ပညာတော်ခြင်း မတော်ခြင်းက ကျောင်းတွေ၊ ဆရာတွေ အပေါ်မှာပဲ မူတည်နေတယ်လို့ မိဘတွေ တော်တော်များများ ထင်မှတ်နေကြပါတယ်။
သားသမီးတွေ ဉာဏ်ကောင်းခြင်း မကောင်းခြင်း၊ လူကောင်းလူတော် ဖြစ်ခြင်း မဖြစ်ခြင်းက မိဘတွေအပေါ်မှာ ရာနှုန်းပြည့်နီးပါး မူတည်နေတာကို သိသူအတော်ရှား ပါတယ်။
Biological Machine and User Manual
ကျွန်တော်တို့ နေ့တဓူဝ သုံးနေတဲ့ Machine (စက်) တွေမှာ ဘယ်ပစ္စည်းက ဘာလဲ၊ ဘယ်လိုအလုပ်လုပ်လဲ ဆိုတာ ရှင်းပြထားတဲ့ User Manual (အသုံးပြုနည်းလမ်းညွှန်) စာအုပ်လေးတွေပါတယ်။
ဥပမာ။ ။ ရေခဲသေတ္တာ၊ အဝတ်လျှော်စက် စတဲ့ Machine တွေမှာဆိုရင် User Manual ပါတယ်။ ဒါပေမယ့် User Manual ဖတ်ပြီး သုံးတဲ့သူ အတော်ရှားပါတယ်။ သုံးလို့ အဆင်မပြေတော့ရင်၊ ပြဿနာ တစ်ခုခု ဖြစ်ရင်တော့ User Manual ဖတ်ပြီး ပြင်ကြရတယ်။ ဒီထက်ရှုပ်ထွေးတဲ့ စက်ရုံ၊ အလုပ်ရုံက Machine တွေ ဆိုရင်တော့ User Manual မဖြစ်မနေ ဖတ်ပြီးမှကို အသုံးပြုရတာတွေ ရှိပါတယ်။
ကျွန်တော်တို့ လူသားတွေဆိုတာ ဒီကမ္ဘာကြီးမှာ အရှုပ်ထွေးဆုံး အခက်ခဲဆုံး Biological Machine (ဇီဝ စက်) ပါပဲ။
သား (သို့) သမီး တစ်ယောက် မွေးဖွားလာတယ်ဆိုတာ၊ မိမိတို့ လက်ထဲကို အရှုပ်ထွေးဆုံး Biological Machine (ဇီဝ စက်) တစ်ခု ရောက်လာတာပါပဲ။
အဲဒီ Biological Machine အတွက် User Manual ပါလာလား ဆိုရင် No ပါ။
User Manual ပါမလာတဲ့ Biological Machine နဲ့ပတ်သက်ပြီး
How does it work? အဲဒီ စက်ကြီး ဘယ်လိုအလုပ်လုပ်လဲ?
How does it learn? သူဘယ်လို လေ့လာ သင်ယူသလဲ?
How is it programmed? သူ့ကို ဘယ်လို Program (ပုံသွင်းယူ) မလဲ?
မိဘ တော်တော်များများမှာ ဒီမေးခွန်းတွေအတွက် အဖြေရှိမယ်မထင်ပါ။
နောက်လာမယ့်အခန်းတွေ မှာ အထက်ပါမေးခွန်း တွေရဲ့ အဖြေကို ဦးနှောက် သိပ္ပံပညာရှင်ပေါင်းများစွာရဲ့ တွေ့ရှိချက်တွေ နဲ့အတူ ဖတ်ရှု လေ့လာ ရမှာ ဖြစ်ပါတယ်။
ကျွန်တော်တို့ နေ့စဉ်သုံးစွဲနေတဲ့ ဖုန်းတွေ ၊ ကွန်ပျူတာတွေ အလုပ်လုပ်နိုင်ဖို့ Program (ညွှန်ကြားချက်) တွေ ထည့်သွင်းထားရပါတယ်။ စက်တွေ အလုပ်လုပ်နိုင်အောင် Program ရေးဆွဲတဲ့သူတွေကို Programmer တွေ လို့ခေါ်ပါတယ်။
ကျွန်တော်တို့ လူသားတွေက အသိဉာဏ် အရှိဆုံး Biological machine တွေပါ။ အဲ့ဒီ Biological machine တွေဟာ မွေးလာကတည်းက အသိဉာဏ်၊ ဗဟုသုတ တွေ ပါလာတာ မဟုတ်ပါဘူး။ ဒါဆိုရင် ဘာပါလာလဲဆိုတော့ သင်ယူလေ့လာနိုင်စွမ်းလို့ ခေါ်တဲ့ Learning ability ပါ။
လူ့လောကထဲကို စရောက်တဲ့ မွေးကင်းစ အရွယ်ကတည်းက သင်ယူလေ့လာမှုတွေ စ ပါတော့တယ်။
သူ ဘာတွေ ဘယ်လို သင်ယူလေ့လာသလဲ ဆိုတာပေါ် မူတည်ပြီး ဉာဏ်ကောင်းခြင်း မကောင်းခြင်း၊ လူကောင်းလူတော် ဖြစ်ခြင်း မဖြစ်ခြင်းတွေ ကွဲပြားသွားပါတယ်။
ဒါပေမယ့် ပြဿနာက မိဘတော်တော်များများက သားသမီးကို ဉာဏ်ရည်ထက်မြက်တဲ့ သူတွေ လူကောင်းလူတော်တွေသာ ဖြစ်စေချင်ကြတာ ဘာတွေက ဉာဏ်ကောင်းစေတာ လဲ၊ ဘယ်လို ပြုစုပျိုးထောင်ခြင်းက လူကောင်းလူတော် ဖြစ်စေတာလဲကို ဂဃဏန မသိကြပါဘူး။
ဒီလိုပဲ အမှုမဲ့ အမှတ်မဲ့ ပြုမူနေထိုင်ရင်းကနေ တစ်ချို့ကလေးတွေက ကံကောင်း ထောက်မစွာ ဉာဏ်ကောင်းစေတဲ့ အကြောင်းတွေ၊ ပြုမူနေထိုင်မှုတွေနဲ့ တိုက်ဆိုင်ပြီး ဉာဏ်ကောင်း သွားကြတယ်။ တစ်ချို့တွေကတော့ မိဘ နဲ့ ဆရာတွေ ရဲ့ ဉာဏ်ရည် ထက်မြက်အောင် ပုံမသွင်းနိုင်မူကြောင့် ပုံမှန်ဉာဏ်ရည်လောက်ပဲ ရှိကြရတယ်။
Growing the seed (မျိုးစေ့ကို ပြုစုပျိုးထောင်ခြင်း)
ကလေးတစ်ယောက်ကို ပြုစုပျိုးထောင်ရတာဟာ သစ်ပင်မျိုးစေ့လေး တစ်စေ့ကို ပြုစုပျိုးထောင်ရတာနဲ့ ဆင်တူတယ်။ မျိုးစေ့ကနေ သီးပွင့်ဝေဆာတဲ့ အပင်အထိ ရောက်ဖို့ ကြီးထွားမှု အဆင့်ဆင့်ကို ဖြတ်ရပါတယ်။
အပင်တစ်ပင်ကို စနစ်တကျ မပြုစု မပျိုးထောင်ဘဲ ဒီအတိုင်းထားလိုက်ရင် အပင်တစ်ပင်ကတော့ ဖြစ်လာမှာပါပဲ။ ဒါပေမယ့် ကျန်းမာသန်စွမ်းတဲ့ အပင်၊ ပတ်ဝန်းကျင်ကို အကျိုးပြုတဲ့ အသီးအပွင့်တွေ ဝေဆာတဲ့ အပင် ဖြစ်လာမှာ မဟုတ်ပါဘူး။
ကျန်းမာသန်စွမ်းပြီး အသီးအပွင့်တွေ ဝေဆာတဲ့ အပင် ဖြစ်လာဖို့အတွက် ဆိုရင်တော့ မှန်ကန်တဲ့ မြေဩဇာ၊ ရေ၊ နေရောင်ခြည် စနစ်တကျ ပေးရမှာဖြစ်ပါတယ်။ အဲဒီလို စနစ်တကျ ပျိုးထောင်နိုင်ဖို့ဆိုရင်တော့ ကိုယ်စိုက်မဲ့ မျိုးစေ့က ဘာမျိုးစေ့လဲ၊ ဘာမြေဩဇာကြိုက်လဲ၊ ဘယ်အချိန်မှာ ရေလောင်း ရမလဲ၊ နေရောင်ခြည်ရအောင် ဘယ်လို လုပ်ပေးမလဲ စသည်ဖြင့် နားလည်နိုင်ဖို့ လိုတာပေါ့။
ကိုယ့်လက်ထဲမှာ ရောက်နေတဲ့ မျိုးစေ့ ဘာမျိုးစေ့လဲ၊ ဘာမြေဩဇာ ကြွေးသင့်လဲ၊ ရေ၊ နေရောင်ခြည် သင်တင့်မျှတအောင် ဘယ်လိုလုပ်ရမလဲ စတဲ့ အကြောင်းအရာတွေ လေ့လာဖို့ မိဘတော်တော်များများ အချိန်မပေးနိုင်ကြဘဲ ကိုယ်စိုက်ထားတဲ့ မျိုးစေ့လေး အပင်ကြီးထွားလာရင် နေဒဏ် လေဒဏ် မခံရအောင် နေပူဒဏ် ကာကွယ်နိုင်မယ့်၊ လေဒဏ် မိုးဒဏ် ကာကွယ်နိုင်မယ့် အဆောက်အဦးတွေ ဆောက်ပေးနိုင်ဖို့ကိုပဲ အားသန် နေကြတယ်။ တကယ်တော့ မျိုးစေ့မမှန် ပင်မသန်ခဲ့ရင် ဘယ်လို အကာအကွယ်မျိုးကမှ သူ့တို့ကို ကာကွယ်ပေးနိုင်မှာ မဟုတ်ပါဘူး။
မိဘတွေရဲ့တာဝန်က ဘယ်လို လေဒဏ် မိုးဒဏ် အခက်အခဲမျိုးမှာမဆို ရှင်သန်နိုင်စေဖို့ မျိုးစေ့မှန်၊ အပင်သန်အောင် ပြုစုပျိုးထောင်ပေးဖို့ပါ။
မိဘတွေ ကြိုးစားရုန်းကန်ပြီး စီးပွားရှာနေကြတာ ဘာအတွက်လဲလို့ မေးရင် “ငါတို့ သားသမီးအတွက်” လို့ပဲဖြေကြလိမ့်မယ်။ ဘာအတွက် သုံးမှာလဲဆိုရင် တစ်ချို့တွေက သားသမီးတွေ အတွက် ပစ္စည်းဥစ္စာတွေ အမွေချန်ထား ခဲ့ချင်ကြတယ်။
တစ်ချို့တွေကြတော့ ပညာရေးက အရေးကြီးမှန်းသိတယ်။ အဲတော့ သားသမီးတွေကို အကောင်းဆုံး ဆိုတဲ့ ကျောင်းတွေမှာ ထားနိုင်အောင် ကြိုးစား ရုန်းကန်ကြတယ်။
ပစ္စည်းဥစ္စာ အမွေတွေ ချန်ခဲ့ဖို့၊ ကျောင်းကောင်းကောင်းမှာ ထားဖို့ထက် အဆပေါင်း များစွာ အရေးကြီးတဲ့ သူတို့လေးတွေရဲ့ ဦးနှောက်မျိုးစေ့ကို အကောင်းဆုံး ပြုစုပျိုးထောင် ပေးဖို့ကိုကြတော့ မေ့နေကြတယ်။
နောင်မျိုးဆက်သစ်တွေအတွက် အကောင်ဆုံး အမွေကတော့ “အသိပညာ” အမွေ ပါပဲ။ အဲဒီ အကောင်းဆုံး အသိပညာတွေကို သင်ယူနိုင်ဖို့ သူတို့လေးတွေရဲ့ ဦးနှောက်တွေ အကောင်းဆုံး ဖွံ့ဖြိုးနိုင်ဖို့ စနစ်တကျ ပျိုးထောင်ပေးဖို့လိုတယ်။
အဲဒီလို ပျိုးထောင်နိုင်ဖို့အတွက် ဆိုရင်တော့ သူတို့လေးတွေရဲ့ ဦးနှောက် ဘယ်လို အလုပ်လုပ်နေလဲ?
ဘယ်အရာတွေက ဦးနှောက်ကို ထိခိုက်စေတာလဲ?
ဘယ်အရာတွေက ဦးနှောက်ဖွံ့ဖြိုးမှုကို အထောက်အပံ့ပေးတာလဲ?
ဘယ်လို အပြောအဆို ၊ အပြုအမူတွေက သူတို့ ဉာဏ်ရည်ဖွံ့ဖြိုးမှုနဲ့ ဘယ်လို ဆက်စပ်နေတာလဲ? စတဲ့ အကြောင်းအရာတွေကို နောက်လာမယ့် အခန်းတွေမှာ ဖော်ပြသွားမှာ ဖြစ်ပါတယ်။
ပညာရှင်တွေရဲ့စမ်းသပ်တွေ့ရှိချက်
ဆင်းရဲမွဲတေမှုတွေ လျော့ကျဖို့၊ ကမ္ဘာကို ဦးဆောင်နိုင်ဖို့ အတွက် “ဉာဏ်ပညာ” က အဓိက အရေးပါဆုံး ဆိုတာ အမေရိကားက ပညာရှင်တွေ ကောင်းကောင်း သိတာပေါ့။ ဒုတိယ ကမ္ဘာစစ် အပြီး ၁၀ စုနှစ် တစ်ခုကျော် အကြာ ၁၉၆၀ လောက်မှာ အမေရိကားက ပညာရှင်တွေ စမ်းသပ်မှု ပြုလုပ်ခဲ့ကြတယ်။ အဲဒီ စမ်းသပ်မှုက နွမ်းပါးတဲ့ မိသားစု၊ လူလတ်တန်းစား မိသားစုနဲ့ အထက်တန်းလွှာ မိသားစု စတဲ့ မတူညီတဲ့ မိသားစုတွေ သူတို့ သားသမီးတွေကို ဘယ်လို ပြုစုပျိုးထောင်ကြလဲ ဆိုတာ မိသားစု ၄၂ စု လောက်ကို နေ့စဉ် အသံဖမ်းစက်နဲ့ Record ယူပြီး ၃ နှစ်လောက် စစ်တမ်းကောက်ယူခဲ့ကြတယ်။ နောက်ထပ် ၃ နှစ်လောက် လေ့လာသုံးသပ်မှုတွေ ထပ်လုပ်ခဲ့ကြတယ်။
အဲဒီလို လေ့လာမှုတွေ ပြုလုပ်တဲ့အခါမှာ နွမ်းပါးတဲ့ မိသားစု တော်တော် များများ ရဲ့ ကလေးအပေါ်မှာ ပြုမူဆက်ဆံမှု ပုံစံတွေက ကလေးတွေရဲ့ ဉာဏ်ရည်ဖွံ့ဖြိုးမှုကို နှေးကွေးစေပြီး၊ ချမ်းသာပြီး ပညာတတ်တဲ့ အထက်တန်းလွှာ မိသားစုရဲ့ ကလေးတွေ အပေါ်မှာ ပြုမူဆက်ဆံမှု ပုံစံတွေက ကလေးတွေ ရဲ့ ဉာဏ်ရည်ဖွံ့ဖြိုးမှုကို အားကောင်း စေတာကို တွေ့ကြရတယ်။
အဲဒီတွေ့ရှိချက်ကို သမ္မတ ကို တင်ပြခဲ့ကြပြီး TV အစီအစဉ်တွေ၊ Radio အစီအစဉ်တွေ မှာပါ ထုတ်လွှင့်ပြီး မိသားစုပေါင်းများစွာ ပညာထူးချွန် ထက်မြက်တဲ့ ကလေးတွေ ပြုစု ပျိုးထောင် ပေးနိုင်အောင် ဆောင်ရွက်ခဲ့ကြပါတယ်။
အိမ်ဖြူတော်၊ ကလင်တန်ဖောင်ဒေးရှင်း စတဲ့ အဖွဲ့အစည်းတွေကနေ ထူးချွန် ထက်မြက်တဲ့ အမေရိကန် ကလေးတွေ ပေါ်ထွက်လာအောင် ဆောင်ရွက်ခဲ့ကြပါတယ်။ စာအုပ်တွေ လည်း ရေးခဲ့ကြတယ်။
အဲဒီ ပညာရှင်တွေရဲ့ တွေ့ရှိချက်ကို အခန်း (၃) နဲ့ (၄) မှာ ဖတ်ရမှာဖြစ်ပါတယ်။
အခုဒီစာအုပ်က သူတို့ရဲ့ တွေ့ရှိချက်စာအုပ်ကို အခြေခံပြီး၊ တခြား ဉာဏ်ရည် ထက်မြက်စေတဲ့ နည်းလမ်းတွေ၊ ဂျူးလူမျိုးတွေရဲ့ ကလေးပြုစု ပျိုးထောင်နည်းတွေနဲ့ ပေါင်းစပ်ပြီး ဒီစာအုပ် ဖြစ်ပေါ်လာတာ ဖြစ်ပါတယ်။
ဂျူးလူမျိုးတွေရဲ့ ကလေး ပြုစုပျိုးထောင်နည်းက ဘာကြောင့် အရေးပါတာလဲ?
Genius ဉာဏ်ကြီးရှင် လို့ ပြောလိုက်ရင် လူတော်တော် များများရဲ့စိတ်ထဲမှာ တန်းပြီး မြင်ယောင်လိုက်တာက အိုင်စတိုင်း ပုံပါ။ Google မှာ Genius scientist လို့ ရှာလိုက်ရင်လည်း သူ့ပုံပဲ ပေါ်ပါတယ်။
အောင်မြင်တဲ့ လူငယ်လုပ်ငန်းရှင် လို့ ပြောလိုက်ရင် Facebook တည်ထောင်သူ ဇူကာဘာ့ခ် ကိုပဲ ပြေးမြင်ကြမှာပါ။
သူတို့ နှစ်ယောက်လုံးက ဂျူး လူမျိူးတွေပါ။ ကမ္ဘာ့လူဦးရေရဲ့ ၀.၂ % ပဲ ရှိပေမယ့် ကမ္ဘာ့အချမ်းသာဆုံး ၁၀၀ ရဲ့ ၃၀ % က ဂျူး လူမျိုးတွေပါ။ နိုဗယ်ဆုရှင်တွေရဲ့ ၃ ပုံ ၁ ပုံ က ဂျူး လူမျိုးတွေပါ။ ဒါဟာ တိုက်ဆိုင်မှု မဟုတ်ပါဘူး။
သူတို့ရဲ့ မျိုးရိုးကြောင့်လို့ သင်ထင်တယ်ဆိုရင် သူတို့အကြောင်း လေ့လာထားတဲ့ ပညာရှင်တွေက No ပါ လို့ ဖြေပါလိမ့်မယ်။ သူတို့ ဒီလိုဖြစ်လာအောင် ပြုစုပျိုးထောင် ပေးတဲ့ နည်းတွေကို ပညာရှင်တွေ လေ့လာပြီး ဂျူး လူမျိုးတွေရဲ့ ကလေးပြုစု ပျိုးထောင်နည်း စာအုပ်တွေ ထွက်ခဲ့ကြပါတယ်။
အခု ဒီစာအုပ်မှာ ဂျူး လူမျိုးတွေ ရဲ့ ကလေးပြုစု ပျိုးထောင်နည်း တွေကို အခန်း (၆) မှာ အသေးစိတ် လေ့လာပြီး မိမိတို့ သားသမီး တွေကိုလည်း သူတို့လို ထူးချွန်ထက်မြက်တဲ့ သူတွေဖြစ်အောင် ပြုစုပျိုးထောင်ဖို့ အတုယူနိုင်ပါတယ်။
မွန်တက်စရီ နည်းလမ်း နဲ့ ပြုစုပျိုးထောင်ခြင်း
Amazon တည်ထောင်သူ Jeff Bezos, Microsoft တည်ထောင်သူ Bill Gate, Google တည်ထောင်သူ Larry Page, Sergey Brin စတဲ့ ကမ္ဘာ့အချမ်းသာဆုံးသူ တွေဟာ ငယ်ငယ်က မွန်တက်စရီ နည်း နဲ့ ပြုစုပျိုးထောင်ခံခဲ့ရသူတွေ ဖြစ်ပါတယ်။ မွန်တက်စရီ နည်းဆိုတာ ဘာလဲ၊ ဒီပြုစုပျိုးထောင်နည်းတွေက ဒီလိုအောင်မြင်သူတွေဖြစ်အောင် ဘယ်လို ထောက်ပံ့ပေးလိုက်တာလဲ၊ သင့်ကလေးတွေကိုရော ဒီနည်းနဲ့ ဘယ်လို ပြုစုပျိုးထောင်နိုင်လဲ ဆိုတဲ့ အကြောင်းအရာတွေကို အခန်း (၅) မှာ လေ့လာရမှာ ဖြစ်ပါတယ်။
Multiple Intelligence
ကလေးတွေ မှာ မတူညီကွဲပြားတဲ့ ထူးချွန်မှု (၇) မျိုးရှိပါတယ်။ ပညာရှင်တွေရဲ့ လေ့လာမှုအရ ကလေးတွေ ရဲ့ ၃၀% လောက်ကပဲ ကျောင်းသင်ပညာရေး နဲ့ အံ့ဝင်ဂွင်ကျ ဖြစ်ပြီး ကျန်တဲ့ ၇၀% က ကျောင်းသင်ပညာရေး နဲ့ အဆင်မပြေပါဘူး။ သင့်ကလေး ကျောင်းမှာ အမှတ်မကောင်းတာနဲ့ လူညံ့တစ်ယောက် မဟုတ်ပါဘူး။ သူတို့လေးတွေ ရဲ့ မတူညီတဲ့ အရည်အချင်းတွေကို ဘယ်လိုဖော်ထုတ်မလဲ ဆိုတာကို အခန်း (၁၁) မှာ လေ့လာရမှာဖြစ်ပါတယ်။
Intelligent Quotient (IQ), Emotional Intelligence , Financial Intelligence
လွန်ခဲ့တဲ့ ဆယ်စုနှစ် အနည်းငယ်က လူတစ်ယောက်တိုးတက်ဖို့အတွက် IQ က အရေးပါဆုံးလို့ ထင်ခဲ့ကြတယ်။ နောက်ပိုင်းမှာတော့ သူ့ထက် EQ (စိတ်ခံစားမှုပိုင်း ဆိုင်ရာ ဉာဏ်ရည်) က ပိုအရေးပါတယ်ဆိုတာကို သိလာကြတယ်။ လူကောင်းလူတော် တစ်ယောက် ဖြစ်ဖို့အတွက် ဆိုရင်တော့ IQ, EQ, FQ သုံးခုလုံးရဲ့ ထောက်ပံ့မှု လိုအပ်ပါတယ်။ အခန်း (၁) ကနေ အခန်း (၉) အထိက သင့်ကလေးကို IQ, EQ အားကောင်းအောင် ပြုစုပျိုးထောင် နည်းတွေကို လေ့လာရမှာဖြစ်ပြီး၊ အခန်း (၁၀) မှာတော့ FQ (ငွေကြေးဉာဏ်ရည်) မြင့်မားအောင် ပြုစု ပျိုးထောင် နည်းတွေကို လေ့လာရမှာဖြစ်ပါတယ်။
အမေရိကားက ဦးနှောက်ပညာရှင်တွေ၊ စိတ်ပညာရှင်တွေရဲ့ ကလေး ပြုစုပျိုးထောင်မှု တွေနဲ့ ပတ်သက်ပြီး စမ်းသပ်တွေ့ရှိမှုတွေ၊ ကမ္ဘာမှာ အအောင်မြင်ဆုံး မျိုးနွယ်စုလို့ ဆိုနိုင်တဲ့ ဂျူးလူမျိုးတွေရဲ့ ကလေးပျိုးထောင်နည်းတွေ နဲ့ တခြား ဉာဏ်ရည် ထက်မြက်စေတဲ့ နည်းလမ်းတွေရဲ့ အနှစ်တွေကို စုစည်းပြီး ဒီစာအုပ် ဖြစ်ပေါ်လာတာ ဖြစ်တဲ့အတွက် သင့်ရဲ့ မျိုးဆက်သစ်ကို ဉာဏ်ရည် ထက်မြက်ပြီး လူကောင်းလူတော် ဖြစ်အောင် ပြုစုပျိုးထောင်နိုင်ဖို့ ပညာတွေ ရလိမ့်မယ်လို့မျှော်လင့်ပါတယ်။
အခန်း (၁)
True Stories ဖြစ်ရပ်မှန်များ
အမေရိကား က လူငယ်လေးတစ်ယောက် (၁၉ ရာစုခေတ်)
၁၈၄၇ ခုနှစ်၊ အမေရိကန်နိုင်ငံရဲ့ မီလန်မြို့လေးမှာ ကလေး တစ်ယောက်ကို မွေးဖွားခဲ့တယ်။ သူလည်း ကျောင်းတက်တော့ ကျောင်းမှာ အညံ့ဆုံး ကလေးတွေထဲမှာ ပါတယ်။ ညံ့တာမှ ကျောင်းထုတ် ခံရတဲ့အထိကို ညံ့တာ။
တစ်နေ့မှာ သူကျောင်းက ပြန်လာတော့ သူ့ဆရာပေးလိုက်တဲ့ မှတ်ချက် စာလေးကို ဖတ်ဖို့ သူ့အမေ လက်ထဲကို ထည့်လိုက်တယ်။
သူ့အမေက ဖတ်ဖို့ စာကိုကြည့်လိုက်တော့ စာထဲမှာ ရေးထားတာက
“Your son is addled. He is mentally slow and unable to think clearly. We won’t let him come to school anymore.”
“မင်းသားက ဉာဏ်ရည် မမှီဘူး ဖြစ်နေတယ်။ စိတ်ပိုင်းဆိုင်ရာ ဖွံ့ဖြိုးမှုနှေးတယ်။ ကောင်းကောင်းမတွေးနိုင်ဘူး။ ဒါကြောင့် ငါတို့ သူ့ကို ကျောင်းလာခွင့် မပြုနိုင် တော့ဘူး” လို့ရေးထားတယ်။
အမေဖြစ်တဲ့သူက အဲဒီအတိုင်းသာ ဖတ်ပြလိုက်ရင် အဲဒီကလေး သူ့ကိုယ်သူ လူညံ့တစ်ယောက်လို့ သတ်မှတ်သွားပြီး တစ်သက်လုံး အရှုံးသမားတစ်ယောက် အနေနဲ့ပဲ ဘဝကို ရပ်တည်ရလိမ့်မယ်ဆိုတာကို ခန့်မှန်းမိတယ်။
ဒါကြောင့် သူ့အမေ ဖတ်ပြလိုက်တာက
“Your son is a genius. This school is too small for him and doesn’t have enough good teachers for training him. Please teach him yourself.”
“သင့် သားက ဉာဏ်ကြီးရှင် တစ်ယောက်ပါ။ ဒီကျောင်းက သူ့အတွက် သေးလွန်းပြီးတော့ သူ့ကိုသင်နိုင်တဲ့ ဆရာကောင်းကောင်း မရှိပါဘူး။ သူ့ကို သင်ကိုယ်တိုင်ပဲ သင်ပေးလိုက်ပါတော့” တဲ့။
အဲလိုဖတ်ပြပြီး မိခင် ကိုယ်တိုင် သင်ပေးပါတယ်။
ကျောင်းသားအားလုံးကို တသမတ်ထဲ ဘောင်ခတ်သင်ကြားတဲ့ ကျောင်းသင်ခန်းစာရဲ့ ဖိအားတွေ မရှိတော့ သူစိတ်ဝင်စားတာကို စိတ်ကြိုက် လေ့လာစူးစမ်းခွင့် ရခဲ့တယ်။
အဲဒီကလေး ကြီးလာတော့ ကျွန်တော်တို့အားလုံး ဒီနေ့ခေတ် သုံးစွဲနေတဲ့ လျှပ်စစ်မီးသီး တီထွင်သူ Edison (အက်ဒီဆင်) ဖြစ်လာခဲ့တယ်။ သူတီထွင်ခဲ့တဲ့ အရာပေါင်း ထောင်ဂဏန်း လောက် ရှိခဲ့ပြီး သမိုင်းတစ်လျှောက်မှာ အအောင်မြင်ဆုံး တီထွင်သူ တွေထဲမှာ တစ်ယောက် အပါအဝင် ဖြစ်ခဲ့တယ်။
အက်ဒီဆင်ရဲ့ဆရာ ပေးလိုက်တဲ့ “မင်းရဲ့သားက စာသင်လို့မရလို့ ကျောင်းမလာ ခိုင်းပါနဲ့တော့” ဆိုတဲ့ စာကို မြန်မာပြည်က တစ်ချို့ မိဘတွေ ရခဲ့ရင် ဘယ်လိုလုပ်မယ်လို့ ထင်ပါသလဲ? “ စာညံ့ရပါ့မလား ဆိုပြီး ရိုက်ရင် ရိုက်၊ မရိုက်ရင်လည်း ရိုက်ပြီးဆုံးမတဲ့ စည်းကမ်းတင်းကြပ်တဲ့ ဘော်ဒါလို နေရာမျိုးကို ပို့ကြပါလိမ့်မယ်။
နောက်ပိုင်း အက်ဒီဆင် အောင်မြင်ပြီးလို့ သူ့အမေ သေသွားတဲ့အချိန်ကြမှ သူ့အမေ ညာပြီး ဖတ်ပြခဲ့တဲ့ သူ့ဆရာ ပေးလိုက်တဲ့ မူရင်းစာကို သွားတွေ့တယ်။
အဲဒီကြတော့မှ သူ မျက်ရည်တွေ ဖြိုင်ဖြိုင်ကျ ငိုကြွေးပြီး သူ့ရဲ့ ဒိုင်ယာရီမှာ ဒီလိုရေးခဲ့တယ်။
“Thomas Alva Edison was an addled child that, by a hero mother, became the genius of the century.”
“သောမတ်စ်အယ်လ်ဘာ အက်ဒီဆင်ဆိုတာ ဉာဏ်ရည် မမှီတဲ့ ကလေး တစ်ယောက်ပါ။ သူရဲကောင်း မိခင်ကြီး ကြောင့်သာ ရာစုနှစ်ရဲ့ ဉာဏ်ကြီးရှင် ဖြစ်လာတာပါ။”
ကျောင်းကသတ်မှတ်တဲ့ ဉာဏ်ရည်မမှီဘူး ဆိုတာကို လက်မခံဘဲ ကိုယ်တိုင် သင်ကြားပေးခဲ့တဲ့ Genius မိခင်ကြောင့်သာ Genius Edison ဖြစ်လာတာပါ။ Genius သားသမီး တွေ မွေးထုတ်ဖို့ ကိုယ့်သားသမီး ရဲ့ စွမ်းရည်တွေ ကိုဖော်ထုတ်ပေးနိုင်တဲ့ Genius မိဘတွေ ဖြစ်ဖို့လိုပါတယ်။
ဒီစာအုပ်က သင့်သားသမီး တွေရဲ့ စွမ်းရည်တွေကို သိအောင်၊ သိပြီး ဖော်ထုတ်ပေးနိုင်အောင် နိုင်ငံတကာက ပညာရှင်တွေရဲ့ စမ်းသပ်တွေ့ရှိချက်ပေါင်း များစွာကို အခြေခံပြီး ကူညီထောက်ပံ့ ပေးပါလိမ့်မယ်။
ဂျူးလူမျိုးတွေရဲ့ ပြုစုပျိုးထောင် နည်းတွေက ဘာတွေလဲ?
ပညာရှင်တွေ ရဲ့ တွေ့ရှိချက်တွေက ဘာတွေလဲ?
ဘာတွေက ဦးနှောက်ဖွံ့ဖြိုးမှုကို အားကောင်းစေတာလဲ?
ဦးနှောက်ဘယ်လို အလုပ်လုပ်လဲ?
Amazon တည်ထောင်သူ Jeff Bezos တို့ ၊ Microsoft တည်ထောင်သူ BillGate တို့ကို ငယ်ငယ်က ပြုစုပျိုးထောင်ခဲ့တဲ့ မွန်တက်စရီ နည်းစနစ်ဆိုတာဘာလဲ?
ငယ်ငယ်က ပြုစုပျိုးထောင်ခဲ့တဲ့ နည်းတွေနဲ့ သူတို့အောင်မြင်မှုတွေ နဲ့ ဘယ်လို ဆက်စပ်နေလဲ ?
သူတို့ရဲ့ ပြုစုပျိုးထောင် နည်းတွေကို အတုယူပြီး သင့်ကလေးတွေကိုရော ဘယ်လို ပြုစုပျိုးထောင် နိုင်မလဲ?
သင့်ကလေးကို ငယ်ငယ်ကတည်းက Financial Intelligence ငွေကြေးဉာဏ်ရည် မြင့်မားအောင် ဘယ်လို ပြုစုပျိုးထောင်မလဲ?
စတဲ့ မေးခွန်းတွေအတွက် အသေးစိတ် ဆက်လက် ဖတ်ရှုချင်တယ်ဆိုရင်တော့
Genius Kids Program ကို အော်ဒါမှာယူလိုက်ပါ။ သင့်အတွက် အကျိုးမရှိဘူးထင်ရင် ရာနှုန်းပြည့် ငွေပြန်အမ်းပါမယ်။
အောက်ပါ Messenger Button ကို နှိပ်ပြီး အော်ဒါမှာယူနိုင်ပါတယ်။